擁有32D魔鬼身材的莊端兒與男友張致恒（Steven）拍拖年多，同屬虔誠教徒的兩人堅拒婚前性行為，就算同床睡都不會「曳曳」！而Steven對於女友為《好報》穿三點式做專訪，坦承有「躁」意！文：音樂組

莊端兒唔介意男友冇樓，總之齊齊搵錢儲首期，咁好嘅女友喺邊度搵？

Steven看完女友的三點式專訪後「躁」意大發。（設計對白）

莊端兒（Xenia）是2013年珠寶小姐季軍，擁有32D Big爆身材的她，在今期《好報》中大方穿三點式做專訪，令人大飽眼福！現時與男友張致恒打得火熱的她指兩人同屬基督教徒，拍拖以來堅拒婚前性行為，她更自爆有一套妙計，令他倆成功禁慾！

計劃3年內結婚

記者昨日致電Xenia，她坦言因彼此都是虔誠教徒，故就算同床也沒有「曳曳」，雖然拍拖年多，但極少同床睡，問到之前幾度一同旅行都成功「守貞」，她說：「去旅行都攰啦！（佢有冇要求過？）冇！」她又指兩人有計劃結婚：「我想快啲，希望3年內結婚，因為我老喇！（要求佢有樓先結？）一齊搵錢啦！兩個人結婚唔會計較！」提到昨日Steven在網上大晒攬她的恩愛照，她笑說：「因為嗰日佢拍完劇返屋企，覺得個造型好靚仔，所以就捉住我影相。」

同床勒住「慾火」

而Steven昨日亦透過電話回應，問到可有看女友的三點式專訪，他「躁」意大發：「今朝（昨晨）起身睇到啲相睇到眼都大，不過冇計啦！做嘢嘛。（呷醋？）我唔係佢經理人，如果係，我會叫佢日日着樽領！」提到禁慾，問同床時可感勒住？他笑說：「勒住道氣！總之睇自己個心，個心點行為就點！（控制到慾念？）睇自己想唔想。（試過幻想？）我都係男人，女友又咁惹火，有幻想同遐想過，但都會盡一切能力去控制（慾念）。」