何佩瑜（Jeana）、雨僑和郭穎兒（Celia）前晚與胡耀輝及10位網絡男神，到蘭桂坊出席電影《猛龍特囧》香港網絡男神選舉的「夜蒲老蘭捕捉野生女神」活動。當中Celia露Bra邊兼大晒3吋事業線，而雨僑亦以開胸裙大騷豐滿上圍。雖然Jeana相對密實，但三位女神齊齊發功足以逼爆蘭桂坊！

雨僑以開胸裙上陣，大騷豐滿上圍。

Celia否認與JM前男友撻着。

Jeana自爆18歲時在蘭桂坊做過暑期工，剛才更重遇以前的餐廳經理：「我記得有個餐廳經理追我。（就係嗰個？）另外嘅。」對於有指與文詠珊（Janice Man）前男友李冠峰撻着，Celia否認緋聞之餘更叫記者手下留情：「我阿媽都差啲信咗報道，走去買龍鳳鈪。畀番啲機會我，陣間仲要睇吓有咩靚仔。（因為佢畀人貼大字報而劃清界線？）唔關事，新聞出咗佢都好冷靜，一笑置之。」而雨僑表示大腿上的瘀痕是不小心撞到加上指甲刮傷所致：「搞到我呢幾日着裙都好肉酸！（以為你畀男友咬！）咬呢度？呢個癖好太癖喇！（咬第二度？）主要都唔會咬嘅！大個喇！唔會周圍咬人，BB咩！」