Amanda S.心痛餅店結業

名模Amanda S.昨日出席活動時透露，剛從家鄉法國探望家人及朋友回港。提到早前她的餅店結業，她表示於數月前已全數賣盤，而她亦是從報章中得知餅店結業的消息，坦言感到心痛：「喺三月嗰陣有人想買我間舖，當時我只係剩番好少股份。到咗五月頭，當時我完全唔知餅店嘅運作，完全Out of control，所以決定離場。（有冇蝕錢？）總括嚟講係好嘅，因為頭兩年生意好好。」她坦言其經理人曾收到追債電話，但已請對方聯絡新股東。提到感情生活，她即冧爆甜笑說：「佢（外籍男友）好好，我真係好幸運（識到佢）。（考慮結婚？）我已經結過一次，呢個唔係真係好重要，我依家好開心。」而她昨日在微博上載一張超Deep V泳衣照，心情明顯不俗。