「宅男女神」黃心穎與「新一代咪神」張秀文日前接受《好報》專訪，笑談下廚趣事及擇偶，心穎笑言若找到喜歡的人，願意為對方下廚一世，而張秀文則自爆下廚「驚險事」，曾試過醬汁爆上天花板兼辣傷頸，還試過用微波爐叮杯麵但錫紙未搣晒令廚房爆炸，幸最終有驚無險！

黃心穎（左）熱愛下廚，而張秀文下廚時則經常發生「驚險事」。

黃心穎昨日受訪時笑言除了愛下廚，原來還熱愛跳舞，精通中國舞的她，小時候在外國讀書，一個禮拜練舞6日總共20小時，令她當時肌肉發達，成了「筋肉人」！回港後決心減肥，並經常拉筋收身，她笑說：「我鍾意拉筋，我覺得會幫助到血液循環、通淋巴，新陳代謝都會好啲，發哥（周潤發）都話拉筋好！」

而出名Fit到漏，近日憑34D驕人身材升呢「咪神」的張秀文，原來以前跟心穎一樣因經常跳舞而變「大隻妹」，最後停止劇烈運動才令手腳變回纖幼。