首執導演筒的任賢齊難忘「處男作」難關重重，近日忙於四出宣傳的他說：「喺澎湖開工，足足落咗半個月嘅梅雨，但女主角舒淇檔期唔可以拖，我試過臨時臨急改去醫院借景，工作人員每日要『三手準備』，慎防突然落大雨。我同美術講想畫面做到《摘星奇緣》嗰隻藍，點知單係藍色起碼有20幾種，正式煞科嗰日我望住個海好失落！」

小齊希望拍攝一部以台灣人角度看香港的港產片。

為圓導演夢，小齊坦言推掉不少「外快」工作：「能夠拍到一部大家往後都會記得嘅作品，唔係金錢可以計算，如果做得好，話唔定日後係啲錢嚟追住我呢？況且搵到舒淇幫手，如果出嚟效果欠佳，會好對佢唔住。」他又透露計劃往雲南至西藏的「茶馬古道」拍攝紀錄片，又很想拍一部港產片，帶出本土特色情懷：「我覺得香港人睇香港，同台灣人睇香港一定有唔同。」

場地：紅磡都會海逸酒店