王浩信在無綫劇集《樓奴》中樓債纍纍，但現實中的他未升呢業主，仍為首期而努力！雖然有家萬事足，但他仍渴望為老婆及囡囡打造五星級的家，為心中所愛甘願為「奴」！

現實中的王浩信雖然未至於成為樓奴，但仍想有個安樂窩。

王浩信希望為老婆打造一個衣帽間，果然係愛妻號！

王浩信努力拚搏，為的只是想為老婆陳自瑤及囡囡打造一個五星級的家。

王浩信在《樓》劇中為供樓絞盡腦汁，更與李施嬅譜出一段情。

王浩信在劇集《樓奴》中孭上一身樓債，為供樓還息絞盡腦汁，正宗為樓死為樓亡！而現實中的他亦與大多香港人一樣為安樂窩煩惱：「我仲慘過個角色！我連做『樓奴』都未達標呀！我仲儲緊首期！」離首期尚有2/3距離的他坦言目標不高：「500、600呎，上咗車先啦！」更慶幸不像角色需在夢想與現實間選擇：「咁我好好彩份工已經係我夢想，我省卻咗最痛苦嘅過程！」

堅拒高風險投資

拍攝完畢，眼見角色能捨棄樓奴枷鎖，王浩信反覆思考上車是否必經之路：「我以前反而覺得冇咁必要，依家真係有咗屋企就覺得好必要！」更希望由租客升呢業主。

香港不少人都投資股票，欲加快儲首期速度，但王浩信卻怕怕：「我媽咪做保險，基金、保險上嘅投資佢有幫我做，亦有教我做，但股票呢啲高風險嘅，喺我嘅情況就同倒錢落海冇乜分別。」又指老婆陳自瑤比他更熟悉股市行情，故讓她全權管理。

打造私人衣帽間

為報答老婆持家有道，王浩信希望Dream House能為她設置私人衣帽間：「呢個係佢嘅夢想，同時我又想佢有一個好好嘅煮食天地。」雖然離置業終點尚差兩步，但懷抱着老婆和囡囡的愛，他經已心滿意足：「好老土咁講，一個屋企最緊要係人，齊人就邊度都係屋企！」

文：影視組