內地實力派歌手周筆暢一直視紅館為目標，今次終能踏上夢寐以求的紅館舞台，壓力非筆墨可形容！首次連續兩日開騷的她無辣不歡，笑言不用養聲。

筆筆透露會狂做運動紓緩壓力，有時間更會去旅行放鬆及調整狀態。

如願踩入紅館的筆筆，大談興奮又緊張的心情。

愛吃的筆筆指向來唔Care食的地方，最緊要Yummy！

出身自《超級女聲》的周筆暢（筆筆）去年參加內地歌唱節目《我是歌手2》，力證實力派歌手地位後人氣爆燈！筆筆將於月底攻入紅館舉行《BOOM!周筆暢2015巡迴演唱會香港站》，成為少數在紅館開個人演唱會的內地女歌手。

連唱兩日唔養聲

筆筆自爆一直視紅館為目標，故壓力愈來愈大：「紅館係每個歌手嘅目標同夢想，同夢想愈來愈接近好興奮，但愈近就愈緊張！」提到演唱會加場，她指從未試過連續兩日開騷，問到可會養聲？無辣不歡的她笑說：「本身喜歡食辣，冇咩點養過聲，所以冇特別Care！」首次在港開騷的筆筆指今次Rundown與內地的巡迴有別，會為港粉特設廣東歌環節，卻未揀選歌曲。

等住騷後掃街

以往居於深圳的筆筆從小聽廣東歌大，一直接觸的都是香港歌手，問到最想跟誰合作時，她說：「心目中都有人選，但要睇對方檔期。」喜歡香港繁華感覺的筆筆，會預先來港綵排兼逗留一段時間，騷後更會品嘗香港的街邊小食。

文：音樂組

攝：劉智源

場地：HMV