新人樂天貴為舞林高手，日前抽空飛到日本大阪進修，希望舞技可更上一層樓！此行獲益良多的他表示當地街舞水平十分高：「好開心可以嚟大阪進修跳舞，真係大開眼界，唔嚟大阪都唔知自己水平去到邊，學咗好多新舞步，希望可以返到香港發揚光大！」

樂天（左）到大阪進修舞功，獲益良多！

日本出名多嘢玩多嘢食，但樂天自爆每日將時間投入在跳舞，沒有遊山玩水，他說：「我90%時間都係用嚟跳舞，剩番嗰10%就係同日本朋友食嘢同觀光。我自己都好鍾意呢邊嘅生活，都好想喺呢邊發展，但又唔捨得香港，所以都係打消呢個念頭。」