近年轉戰主持界的前無綫新聞小花黃紫盈（Connie），笑談主播生涯難忘經歷。離開新聞界的她，希望日後有更多機會發展，有機會的話不抗拒拍劇成為演員！

黃紫盈由新聞界轉戰主持界，靜待機會撈埋拍劇！

現時黃紫盈在事業上有更大發揮空間。

主播的風光背後，其實飽受不少辛酸，作為新聞從業員，既要與時間競賽，也要兼顧內容準確。前無綫新聞小花黃紫盈（Connie）娓娓道來當年的主播生涯，她說：「為咗一單新聞，我試過要同Cam Man一齊跑馬路追訪，當時我拚晒老命咁跑，又要顧住附近有冇車，又要驚自己會溶妝，諗起都覺當時好驚險！」不過，她明白每份職業各有辛酸，她說：「其實每份工都會有辛苦位，做新聞辛苦在於要同人鬥快，急得嚟又要冷靜，做新聞嗰段時間令我長大咗好多！」

搞氣氛有一手

Connie近年由新聞界轉戰主持界，從前她要以端莊正經的形象坐上主播台，恢復自由身的她坦言目前在事業上有更大發揮：「以前做主播要好正經，喺螢幕前要有一個標準嘅笑容同聲線。到咗依家做主持，畀我發揮到自己另外一面，原來我搞氣氛都有一手！」對於日後發展，她希望可以有更多嘗試：「我諗依家都係主攻做主持，成日有記者問我想唔想拍劇，我都係嗰句『有機會嘅話，我唔抗拒，咩都會試吓！』」

文：專案組

場地：Pokka Cafe@Fashion Walk

服裝：Kate Spade, Melissa Shoes

造型：Alfred Tsang