組合B.Gs日前在書展推出火辣寫真而大受歡迎，人氣急升的她們近日為國語新歌《非一般的痛》錄製MV期間，眾女因壓力而失控爆喊！鄒莉盈（Ceci）大爆曾因壓力而出現輕生念頭：「做藝人比想像中辛苦好多，上年喺國內（巡唱）發展都好順利。今年返嚟香港，啲人說話好難聽，我辛苦到有諗過自殺，好彩有幾個姊妹陪住我！」

Ceci（左）失控爆喊，Jovi在旁安慰。

周汶希（Jovi）解釋拍攝期間觸景傷情，一度情緒崩潰：「真係好大壓力，平時做嘢無論如何都要笑面迎人，情緒又要控制得好好。今次呢首歌係講分手嘅痛，正好畀我哋趁機喊晒出嚟！」方堯（Yona）則坦言「食得鹹魚抵得渴」，又感激公司細心照顧。而宋英秀（Onna）指批評的聲音證明自己有存在價值，與隊員「喊走」負能量後會繼續努力練歌。