麥美恩嘔吐瘀皮鍾舒漫揸飛機自拍

無綫娛樂台主播麥美恩（Mayanne）早前與歌手鍾舒漫（Sherman）到溫哥華拍攝節目《3日2夜》，出發前更特別進行資料搜集，雖然二人並非深交，但透過節目熟落起來，Sherman更在地膽Mayanne帶領下體驗當地文化，趁機學揸私人飛機，Mayanne笑說：「我坐喺後面不知幾驚，因為機師好快就放手Sherman自己揸，佢仲去玩自拍，拍之前大家有輸賭邊個會嘔，點知最後嘔嘅係我，真係瘀（有興趣學？）我比較想學追Cool魔多啲！」此外，她倆還遊覽名勝Capilano Bridge吊橋，又到漁人碼頭食新鮮海膽，品嘗從未試過如成塊面般大的海膽。