蔡穎恩感悟人生，認為人長大後應對社會負責，藝人更受公眾注目，希望能夠以身作則，更與經理人公司同事合辦一個二手衫義賣，將籌得的款項捐贈山區學童：「對比起佢哋要面對生活嘅壓力，我嗰啲只係過咗就冇事。」

Evelyn希望以生命影響生命，幫助有需要的人。

Evelyn從男友身上學會積極面對人生。

Evelyn表示拿出來義賣的衣服都是心頭好。

女星蔡穎恩（Evelyn）踏入社會的時間並不算長，但在成長的過程中，明白到有能力回饋社會時，理應利用僅有的影響力以生命影響生命，從而萌生一個做慈善的念頭。

盼年輕人學會珍惜

Evelyn與經理人公司同事於本月中舉辦一個二手衫慈善義賣，為山區學童籌款的同時，亦希望藉此改變年輕人對「為善」的看法，希望他們買得心頭好之餘，又關注慈善活動和學會珍惜事物：「用錢去買呢樣嘢，你先會珍惜，如果送出去任攞，我覺得會有一個心態就係攞咗先。今次我哋籌嘅錢會用晒嚟買文具，我哋做到嘅嘢唔係大慈善家去起樓、起學校，喺佢哋眼中可能都係雞毛蒜皮，但我覺得我哋份心意係好大嘅。」Evelyn坦言其寄賣的物品都是心頭好，希望買家們可以好好對待，她亦會到現場教授襯衫。

戰勝迷惘想行善

其實Evelyn做善事，其中一個原因是曾在工作上經歷迷惘，當困難過去後，才發覺所承受的壓力只是微不足道：「唔好以為依家面對嘅困難會跟你一世，只要你換個角度睇會係一個新嘅開始。」Evelyn亦從男友身上學會積極面對人生：「佢係一個好善良嘅人，感染到我，我從來未見過一個積極到咁嘅人，佢亦都好支持我做慈善。」蔡穎恩希望能夠推己及人，拒做「大食懶」，感動其他人貢獻社會。

文：影視組

攝：劉智源