久未推出新歌的歌手林德信接受《娛樂onShow》訪問分享新歌的故事，談到緋聞女友松岡李那時卻即時口窒，死口唔認只視為好朋友，但又指從小想保護私生活，對公開戀情未有定案！

與松岡李那傳拍拖的林德信希望密封戀情，保護私生活。

松岡李那

林德信於《娛樂onShow》暢談出新歌感受，不忘分享愛情觀。

林德信接受Angela「逼供」，只認與松岡是好朋友。

東網電視《娛樂onShow》每集邀請不同嘉賓到來，今集主持俞詠文（Angela）邀得林德信（Alex）擔任嘉賓。事隔兩年沒有新歌登場的Alex，直到近日才推出歌曲《終於有一天》，他透露近兩年一直忙於拍電影：「因為有段時間我走咗去拍戲，接咗部戲一拍就要用兩個月時間，跟住宣傳又用兩、三個月，咁就變咗五個月，接咗三部戲咪差唔多兩年！」

新歌源自身故婆婆

提到新歌是關於公公婆婆的愛情故事，Alex透露寫歌時婆婆剛過身：「婆婆同公公嘅愛情故事好感人，我婆婆病咗好耐，差唔多有成十年，但公公一直都照顧佢，幫佢沖涼、煮嘢食、換衫，乜都係公公幫佢，我覺得呢種愛係好難得。」

內心掙扎公開與否

談及Alex的感情世界，點可以不追問其緋聞女友松岡李那，主持Angela即「大逼供」，他口窒窒說：「我哋好好朋友，識咗好耐啦！我覺得自己個Life有啲係私隱嘅，唔係咩唔認呀！只係唔講。（唔公開？）呢個對於我嚟講係好大嘅問號，公開定唔公開，我都唔知！就算我喺美國讀書，人哋問我爸爸做咩，我都費事講，所以呢個習慣陪咗我好耐，即係保護自己私隱生活。」

想知道Alex更多感情觀，還想知道他如何點評松岡的唱功？快啲Click入《東網》睇《娛樂onShow》喇！

文：專案組

髮型：Eve＠Queen's Private I

化妝：kirsty facedesigner

場地：Sabor Spanish Private Kitchen