黃翠如昨午出席腕錶品牌活動，提到有指她逼男友蕭正楠丟掉舊愛何傲芝的舊物，並自資購入床單、杯碟等家具，她笑着否認：「完全唔係呢回事，除咗個名係真之外，全部都係故事。（依家同居？）唔係住埋一齊，點解大家咁有興趣知，都只係出街影吓相，但下次可唔可以揀張好少少嘅相，寫乜唔重要。」問到是否很霸道？她說：「佢霸道過我。（想蕭正楠出嚟澄清你唔係野蠻女友？）呢個形象我OK，佢對我差都做唔到野蠻女友啦！認真便輸了！（真係冇要求男友丟晒前度嘅嘢？）冇！我初戀男朋友啲嘢都會保留。」

翠如BB自爆仍有保留初戀男友的物品。