「美心妹妹」楊鎧凝（Celine）早前推出的寫真因相片「露底」而被質疑。昨晚《東張西望》播出楊母的訪問，她歸咎於自己疏忽，沒參與揀相過程。對於有指她收了童裝內衣品牌酬勞有關，她否認兼指是炒作，又否認有關指她將女兒作搖錢樹，出道至今已賺了三百萬的傳聞：「童星酬勞都係三、四位數字，五位數都少，我哋會先揀慈善為先。個女兩歲時幫佢開咗銀行戶口，將酬勞放入去從未拎過出嚟，等佢大個自己考慮點用。」

楊鎧凝的母親受訪時突然講到喊。

楊母又指女兒從網上得知寫真風波，揚言不開心想打壞電視：「我解釋件事畀佢知，佢情緒暫時OK，學校有打嚟安排社工跟進。」當問到日常生活有否受困擾，楊母突然落淚說：「係辛苦嘅，傳媒炒作，唔係真但有人信。（畀人街上指點？）我唔敢望人，唔知有冇。唔想個女受影響。」