謝婷婷昨日在九龍灣宣傳新戲《有客到》，談到前日爸爸謝賢宣傳無綫節目《四個小生去旅行》時出手摑曾江，事發時正拍攝廣告的她坦言未聯絡到爸爸了解：「都唔需要打（電話），佢係一個大人，佢一定有佢原因。」她不相信事件是宣傳手法，亦未被爸爸體罰：「佢唔係慣打架嘅人。」同場的郭偉亮讚謝賢是講理由的人：「佢做一件事一定係好有理由。」婷婷稱會傳短訊向哥哥霆鋒了解姪兒Quintus入院。

婷婷力證父親謝賢並非慣打架之人。

狄波拉笑住雙手合十，封口拒回應謝賢打人一事。

另外，婷婷媽咪狄波拉前晚11時現身中環，與老公等車的她被問到前夫謝賢打曾江，她微笑雙手合十，直到上車才說：「唔該晒。」

曾與謝賢和曾江合作的黃淑儀，認為事件只是宣傳：「曾江好瀟脫，成日遊戲人間！」亦知道曾江近年脊椎有事致行動不便，更大讚謝賢有紳士風度。謝雪心亦撐謝賢好人：「佢係心急，成日等拍嘢都話仲未得？落去食嘢啦！就帶我去食好嘢。老人家有火係好事，即係仲朝氣勃勃！（見過謝賢發火？）冇喎！佢當我係阿妹！」羅蘭則說：「啲人可能覺得曾江火爆，因為佢耳仔唔好，講嘢大聲咗啫！（曾江腳痛？）冇聽佢講過話腳唔舒服，但呢啲嘢好難講，我今日突然腳痛。」