無綫藝人蔡思貝昨日出席活動時透露向來喜歡儲舊東西，問到母親會否不滿舊物塞滿屋企？她笑言正努力儲錢換大屋。提到Dream House，她希望有泳池，可以跳落池刷牙。 文：影視組

蔡思貝對懷舊事物情有獨鍾，以儲舊東西為樂。

一向孝順的蔡思貝正努力儲錢買樓，希望父母開心。

蔡思貝昨日出席以香港懷舊景物為主題的立體畫展，向來對懷舊事物情有獨鍾的她坦言喜歡儲舊東西，例如皮篋、皮袋、舊電話及郵票等，她說：「細個住北角，都有幫襯上海理髮店，我嘅志願係買古董棍波車，鍾意嘅嘢都唔係好潮。」她又表示兒時有看安德尊主持的無綫節目《城市追擊》講歷史，但一度將節目講錯成亞視的《今日睇真D》。

阿媽不滿塞爆屋

問到母親有否不滿舊物塞爆屋企？她笑說：「有呀！但我同媽咪講，話大個就有大屋喇！你畀我儲啦！（幾時買大屋？）未知呀！努力儲錢中，一有呢個數就會買，等父母開心。（Dream House係點？）我想有個泳池，以前睇周星馳啲戲，一跳落池就刷牙，都希望圓呢個夢。」

談到跟吳啟華拍劇而傳緋聞，有「發電廠」之稱的思貝說：「咁搞笑？合作一段時間，我少咗怕醜，大家朋友咁講笑傾偈，好似後生仔女咁。（次次拍劇都有緋聞？）咪好囉！幫套劇宣傳。」