樂隊KillerSoap獲香港航空睇中，昨日在香港飛往杭州的航班上舉行全亞洲第一個空中快閃騷！五子在高空33,000呎夾Band獻唱，近百名乘客大為興奮，唱情歌時，樂隊造型師更突然向當值的空姐女友下跪求婚，成功抱得美人歸！

KillerSoap充當月老，為造型師牽紅線！

KillerSoap在半空夾Band，開創空中快閃騷先例！

樂隊造型師在機上向空姐女友求婚，Sweet爆！

搵定下一個「老襯」

KillerSoap受訪時表示事前緊張失眠，自覺表現略為「騰雞」，對於成功做「月老」為好友牽紅線，早前剛成功求婚的主音Rocky（陳樂基）說：「開頭有諗過自己都喺飛機上求婚，但造型師個未婚妻係空姐，做呢件事好似有紀念性啲。」他們又笑稱看好低音結他手細佬是隊中下一位「老襯」：「下個結婚嘅好可能係『意外』，細佬夠後生，容易『犯錯』！」攝：黎志輝杭州傳真