星二代林俊賢女兒林鈺洧（Denice）、湯鎮業一對孖仔湯君慈（Bruce）及湯君耀（Chris），昨日與周秀娜出席天梭表活動。Bruce與Chris坦言首次行騷及受訪比較緊張，二人在美國讀書，回港放暑假，尚有兩年才畢業，更踢爆父親有到場，但怕醜匿埋。提到與周秀娜同場會否緊張？Bruce大爆細佬緊張，令Chris即時面紅！問到是否愛周秀娜這類型的女仔？Chris說：「冇話鍾意咩Type。」至於孖仔是否心有靈犀？Bruce說：「我心諗緊首歌，佢就會哼出嚟。」

湯君慈（左起）、林鈺洧和湯君耀齊齊行騷示範名錶。

負腳傷的周秀娜仍穿高踭鞋到場，認真貪靚！

身為Angelababy師妹的Denice表示有小小緊張， 家人並沒有陪同出席：「爹哋知道我出活動，有叫我加油，佢好支持我。（之前爹哋反對入行？）佢唔係特別反對，冇乜經濟封鎖。」她想與爸爸合作，更稱之前十幾年沒見爸爸，7年前相認感覺很親密，沒有生疏。

至於周秀娜透露左腳腳傷要做手術，但因工作關係，最快要明年才開刀，之後半年不工作休息。她笑言要先找男友扶住及孭自己，不怕再跌倒。