洪天明太太周家蔚（Janet）4月底誕下二仔洪天義（JT）後，日前產後首次現身沙田馬場與三位小朋友一齊玩遊戲，盡顯母愛。Janet表示非常重視親子活動，本來大仔洪大仁（TJ）十分黐她，因生了細仔而轉黐爹哋：「生BB時交咗TJ畀天明照顧，等佢唔好呷細佬醋，我有同佢講生細佬係想有人陪你一齊玩。細仔出世後，佢都有啲呷醋，因為見到佢扭計同忟多咗，但佢都慢慢適應咗，佢好醒，識自我調節咁話『爹哋係TJ嘅，媽咪係細佬嘅』，做媽咪梗係想小朋友黐住自己，所以天明唔喺香港時，我就獨霸兩個，隨時搶得番佢個心返嚟！」

周家蔚與三位小朋友打成一片，盡顯母愛。

周家蔚日前率先到嘉年華試玩。

周家蔚自爆大仔TJ轉黐洪天明，令她大為呷醋！

Janet透露TJ已正式上學，故拍攝當日沒有前來，又指他上不少興趣班，但絕不是怪獸家長。問到會否追女？她笑說：「我都想，老爺（洪金寶）仲好心急講晒啲秘方畀我。」

今次她率先試玩由香港賽馬會舉辦的《開季試閘樂滿Fun 季前嘉年華 2015/2016》，此嘉年華將於本月29日在沙田馬場舉行，門票於8月17日起在40間指定場外投注處開始發售。