歌手鄧麗欣（Stephy）前晚出席排球隊「Loey」練習，由於球場沒有冷氣，令Stephy汗流浹背兼面紅紅！雖然貴為「班主」，但「魔鬼教練」亦沒有優待她，反而不斷向她殺波及發球，無懼被「盯住」的Stephy剷地又碌地，每逢有機會殺波搶分都絕不手軟，「球花」Joe殺波時亦露出纖腰！

Stephy做足熱身運動，在球場上施展超強球技！

Don（左起）、Noel及牛牛加入Loey做新丁，Noel落場時出盡力殺波！

球隊早前舉行招募活動挑選了3名精英增添實力，Stephy明言為打出名堂，必須吃苦：「撞到周身瘀，冇好過！（教練惡？）佢係魔鬼教練，唔鬧點會有進步！」她希望球隊有朝一日能夠打出好成績：「依家傾緊好多贊助，都想球隊打得好！」