曾江外甥女王馨平正身在日本，她表示有朋友傳消息給她，她說：「我都唔知咩事？好似又唔係喺度玩咁，但我舅父的確有痛風，行路拐拐吓，我哋出去食飯都有問候佢，但佢又好鍾意食美食，可能一個唔覺意返到屋企都會唔舒服，總之佢痛風同拐拐吓係真嘅，咁四哥都係Uncle，佢又識我Daddy，見到面都會同佢打招呼，但老人家嘅嘢真係唔知，希望冇事啦！」

邵音音早前與曾江合作拍攝電影《媽咪俠》，對於謝賢向曾江動粗，她說：「其實好多人同曾江合作過，知咩事。我冇嘢回應。」另外，拍攝《媽》片時，有指曾江與馮寶寶拍攝一場搶拐杖的戲，馮寶寶意外地手腕發腫，邵音音說：「唔小心啫！搶來搶去實會有。」

而薛家燕看過片段也大感愕然，問到兩人是否不和數十年？她說：「好少同佢哋一齊合作，好少見四哥咁火爆，可能佢積積埋，曾江就不嬲貪玩，又未必係有心，睇條片佢好似唔知發生咩事咁，希望以和為貴。」昨晚謝霆鋒和狄波拉到養和醫院，離開醫院時對於謝賢打曾江及是否兒子發燒入院等問題，霆鋒一律不答。