陳庭欣與梁麗翹及昨日出席記者會，擔任《東張西望》主持的梁麗翹更目擊事件，她接受電話訪問時表示不知來龍去脈故不便多談：「當時覺得幾愕然，見到謝賢有啲激動同勞氣！」她又透露事後訪問曾江及胡楓時，胡楓搞鬼地跟她說:「冇嘢嘅！做宣傳啫！」擔任大會司儀的陳庭欣接受電訪時表示，事發時正在台下吃小食，後來聽到謝賢勞氣及離開，問到謝賢在記者會前有否異樣？她說：「冇喎！我捉住佢同曾江玩自拍，切蛋糕嗰陣四哥笑得最開心!」

此外，無綫企業傳訊部副總監曾醒明表示，已提議節目監製聯絡謝賢。問到是否宣傳手法，他澄清無綫向來宣傳節目都是着重內容及特色，不會出這些奇招作伎倆。而無綫非戲劇製作總監余詠珊表示，收到消息都很擔心，但知道曾江及胡楓都沒有嬲謝賢，她笑言一班快活老人家加埋都300歲以上：「睇吓遲啲使唔使同佢哋搞番和頭酒啦！」

《4個小生》監製蘇敏儀對於曾江被指呼喝推輪椅的工作人員，她說：「冇聽過，佢有時大聲，係因為佢耳聾。（幕後向你呻？）冇，我哋拍攝過程愉快。」問到會否當「和事老」？蘇監製笑說：「點呀！玩着我喎！唔知佢（謝賢）做乜鬼，唔明無端端傻乜，希望係佢哋細路仔扭計，盡快冇事啦！」