梁漢文（Edmond）昨晚在紅館舉行一連兩場《梁漢文紅館中場表演2015》演唱會首場，獲圈中好友陳奕迅夫婦、蘇永康夫婦、郭偉亮夫婦、許志安夫婦、李克勤夫婦、蔡一傑、鄭伊健、林敏驄及杜德偉等到場支持，林敏驄更風騷拖住三個後生女現身。

Edmond以王子Look亮相，現場歌迷即瘋狂尖叫！

Edmond High爆滿場飛，不時與粉絲握手。

郭偉亮夫婦（左一及左二）及李克勤夫婦（右一及右二）亦有到場睇騷。

演唱會於八時三十五分開騷，由於一眾嘉賓好友都等開騷後才低調進場，反而令場面變得混亂，但完全無損Edmond的雅興。甫開場，Edmond化身「白馬王子」現身寬闊的三面台，而台後的巨型螢幕則以歌劇院作背景，「王子」Edmond即唱出歌曲《大男人情歌》，為演唱會揭開序幕。

狀態最好 High爆自拍

其後Edmond換上紅白黑三色西裝現身，更遵守「承諾」以降落傘斗篷造型登場，背景亦變成足球場。他升上台後即唱出快歌《中場》等歌曲，期間有40個啦啦隊在台上大搞氣氛，而他更High爆衝到台邊與觀眾握手自拍並說：「今次係我第四次紅館個人Show，之前三次都係四面台，今次好想試吓三面台，睇吓大家有咩反應，唔知在座有幾多個係由我新秀開始就聽我唱歌？不知不覺都唱咗廿年，今日一齊回味我事業嘅上半場，今日嘅服裝同狀態都係最好嘅！」