Super Girls穿岩洞尋仙境

組合Super Girls（SG）早前到南太平洋島嶼天寧島為萬成永成攝影器材有限公司拍攝最新一輯廣告，已是第三年擔任代言人的SG前兩年先後往日本及韓國取景，今次則轉投大自然拍攝，Heidi說：「其中一日喺酋長細灘嘅沙灘拍攝，要經過一個岩石洞先到，但去到就好似喺仙境入面咁，好多奇形怪狀嘅岩石，隔籬就係水清沙幼嘅沙灘，雖然要落水影，但出嚟效果真係好靚好性感！」Yanny則驚嘆噴水海岸的20呎水柱奇景，大讚當地的大草原美得像宮崎駿動畫一樣。