子珊近日拍攝吳家麗執導的鬼片《有客到》，飾演一名擁有陰陽眼的自閉女子，在紙紮舖工作的她閒時只與貓溝通，全片僅有5句對白，其餘戲份既要模仿貓的神態，又要唱歌跳舞和學紙紮，事前要做足大量資料搜集，子珊說：「最困難係扮貓，我上網睇好多Video，記得有段係倣效舞台劇《Cats》嘅舞要我跳，跳成10分鐘，好慢嘅，但有啲好似Contemporary（現代）舞咁，雖然有底子，但疏於練習，所以拍之前要去拉筋，都有啲壓力！（仲辛苦過拍劇？）都係，有啲角色唔使咁大量功課，拍時情緒低沉，都有崩潰戲。」拍攝期間亦曾到殯儀館取景，為配合特效，子珊需要演出驚慌表情，適逢拍攝當晚突然刮起大風，令附近的花及樹葉被吹起，非常應景，故毋須扮驚已非常入戲，她笑說：「現場環境真係好幫到我入戲！（拍完有冇去熱鬧地方兜個圈？）收工都天光，好眼瞓，仲去多人地方？梗係返屋企瞓啦！」

子珊在《有客到》中要扮貓跳舞，是對舞技一大考驗。

子珊參演吳家麗（右）執導的鬼片，拍攝時氣氛陰森。