藝人薛家燕及王梓軒昨日到九龍灣拍攝微電影《師父來了》，與首次參與幕前演出的冼國林做對手戲，家燕說：「今次微電影係我監製同編劇，我請冼國林師傅支持吓，好開心佢一口答應，佢嘅演出令人有驚喜！」王梓軒表示花了一小時拍攝打木人樁的場面：「打到啪啪聲，要好大力打，要3個工作人員攬實樁腳，最後我拍咗成個鐘，連導演都問我攰唔攰？好多謝薛家燕搵我參與拍攝，佢每個Take都跟得好足，又指導我同其他小朋友做戲。」
