模特兒黃凱欣樣子甜美可人兼擁有D Cup澎湃上圍，她視台灣女星徐若為奮鬥目標，希望一樣可以清純與性感兼備，更不介意倣效對方拍三級片！

擁有驕人身材的Ruby自爆求學時是個肥妹仔，睇唔出喎！

Ruby樣子甜美又有好身材，吸引不少宅男粉絲。

文：影視組　　攝：吳文聰

模特兒黃凱欣（Ruby）曾參與有線節目《怪談》及推出寫真集，早前又在動漫節中擔任嘉賓大玩Cosplay，形象百變，吸引不少宅男Fans追捧！Ruby氣質清純兼帶點鄰家女孩感覺，猶如「翻版官恩娜」，但皮膚比正版更白皙，而且擁有D Cup豐滿上圍，非常煞食！

「劇情需要我OK」

Ruby不介意在鏡頭前作性感演出，早前在寫真中更展現各款性感造型，她直言想走「純情性感」路線，並視台灣女神徐若瑄為奮鬥對象，Ruby說：「我睇過佢嘅寫真，尺度係好大，但鍾意佢清純得嚟有靈性，眼神好到位，佢都冇化好濃嘅妝，畀人感覺好吸引，想繼續望。」對於小瑄曾拍露點三級片，Ruby揚言不抗拒效法：「如果劇情需要，我又好鍾意個劇本，我係OK嘅！」

160磅肥妹進化史

身材凹凸有致的Ruby，求學時原來是肥妹仔一名，體重達160磅！直至中四時因失戀而決心減肥，成功瘦人唔瘦胸！她說：「我讀書時係肥學生，減肥之後異性緣好咗，成個人開朗咗，願意同人交流，依家睇番啲舊相都唔認得自己呀！（滿意依家身材？）希望再瘦少少，多番啲線條，最滿意係鎖骨，以前肥到見唔到骨，減得好辛苦先有番鎖骨！」

Profile

黃凱欣（Ruby）

年齡：22歲

三圍：33D、24、34

身高：1米65

體重：50kg