王晶找來內地童星王詩齡演出新片《寶貝當家》，昨日煞科戲安排探班。劇組花上數百萬元搭建詩齡的「豪宅」，草蜢則客串演出天使精靈，並現身詩齡的生日會載歌載舞。

草蜢客串新片《寶貝當家》，扮演天使精靈現身王詩齡的生日會。

客串一日的草蜢坦言已忘記上一次「三人合體」拍戲的時間：「但記得入行第一部戲都係幫王晶拍嘅。今次我哋做『講古佬』，負責貫穿晒成套戲。（覺得王詩齡點？）其實上次同佢合唱過賀歲片主題曲，但分開錄音，今次有機會同場，佢好得意、聰明，但我哋都醒喎！」而王晶受訪時表示《寶》片投資約6千萬人民幣，預計明年寒假上映，又大讚王詩齡表現比去年拍賀歲片更成熟。