苗僑偉、張紋嘉（Crystal）昨晚到中環出席威利來干邑試酒會，分享飲酒心得。苗僑偉已為品牌擔任代言人三年，問到有否打算入股投資干邑生意？他說：「我幫手飲杯就得！我呢種蚊型（身家）係做唔到，不過就好樂意推廣呢種酒！」近日曬得一身古銅膚色的他，自爆太太戚美珍千叮萬囑他塗防曬出門。對於有指將開拍《使徒行者》電影版，他表示劇組正整理劇本：「搞緊劇本，之後要送到內地審批。（落實班底？）未知。（片酬都未傾？）淨係知籌備緊。」

苗僑偉與Crystal出席試酒會，分享品酒心得。

而Crystal自認酒量不錯，問到是否千杯不醉？她說：「醉咗就會瞓覺，不過通常喺屋企開Party先會飲醉。（嚇走異性？）就算唔係咁飲得都嚇走好多人，哈哈！試過男朋友唔鍾意我飲酒，嗰段時間就冇飲，我都小女人同聽話！」