女子組合B.Gs早前經常返內地出騷，因為不了解當地天氣，以致大熱天時竟帶羽絨出發，成員方堯（YoNa）說：「我哋有次去內蒙古，出發之前睇咗天氣報告話嗰邊好凍，所以着晒羽絨去，點知去到係勁熱，我哋仲熱到除剩件背心。」她們表示到內地出騷大開眼界，以前睇電視劇以為內蒙古是一片大草原，到處都是蒙古包，但下飛機後才發現原來蒙古是一個大城市，周汶希（Jovi）說：「其實內地好多地方我哋都未去過，有啲地方甚至係聽都未聽過，之前以為蒙古係個草原，好落後咁，點知去到原來周圍都係高樓大廈，條街啲人仲個個都好似土豪咁添！」

B.Gs到內地出騷大開眼界。

YoNa（右）與Ceci身材弗爆，一定冧掂土豪。