考獲進階潛水牌的藝人彭梓穎（Cupid）早前到菲律賓Sabang潛水，更因見到教練開心到「剝衫」：「有日去咗浮潛，我本身着咗救生衣，但一見到教練部相機就除咗落嚟，連眼罩都除埋，因為嗰部相機係海底專用嘅，影相好靚！」

彭梓穎菲律賓玩潛水，盡情Happy！

但講到最離奇則要數酒店內發生的怪事，她說：「嗰日搭完飛機又坐車同搭船，所以一返到酒店就好攰，我同房個女仔一早戴耳塞瞓咗，熄剩一盞好暗嘅廁所燈，點知突然停電，但當時我仲未沖涼。5分鐘後又有番電，但個雪櫃發出Kok Kok聲，搞到我勁驚，但又唔想嘈醒我同房，最後借咗隔籬個女仔房沖涼。」翌日她向同房轉述「怪事」後，得悉原來雪櫃重新過電才會有聲，證實只是虛驚一場！