曾演過多套劇集的田蕊妮（阿田）以自然流暢的演技見稱，更憑《巨輪》中的「倀雞英」封視后。然而她最近卻獻出「第一次」，於無綫劇集《鬼同你OT》首度演出喜劇，卻擔心表現欠佳。阿田自爆冒住捱罵的風險向老公杜汶澤請教：「我驚得來一記白眼，畀佢鬧『你依家係新人呀！』」不過，阿澤給予鼓勵，令阿田甜在心頭。

阿田笑言向老公杜汶澤請教時擔心捱罵。

問到較愛演喜劇還是內心戲的劇集？她笑說愛演Hea底角色：「咩都試吓。（今次被讚表現搞笑？）我同孫淑梅（《鬼》劇角色）唯一最似就係賴床！我好享受飾演咁Hea嘅角色，可以名正言順做緊嘢時Hea！」談及她與胡定欣於劇中一幕「神同步」引來網民熱議及推舉同爭視后，阿田笑說：「當然冇諗過啦！最緊要觀眾睇得好開心！」