英皇藝人陳家樂、衛詩雅、麥子樂及湯怡暢遊主題樂園，玩得投入的詩雅自爆曾一口氣坐了10次過山車，返家後竟然發燒。陳家樂則笑言驚洪卓文尋仇，因而不敢約湯怡出街。

詩雅與陳家樂玩得開心，興奮大叫。

陳家樂、詩雅、湯怡及麥子樂跟公仔合照，係咪咁High？

文：影視組

陳家樂及衛詩雅偷得浮生半日閒，相約同公司的麥子樂及湯怡暢遊主題樂園「追星」，「蜜」會全場熱爆的Anna及Elsa公主，齊齊體驗「冰雪魔力」﹗兩Pair人欣賞歌舞表演時顯得相當投入，跟着打拍子及和唱，興奮得與同場的小孩無異。

唱唔到高音

詩雅全程顯得相當投入，卻被家樂取笑：「佢跟住人唱，但高音唱唔到！」詩雅即說：「我真係好鍾意嚟主題樂園，記得有年生日入嚟玩，一口氣坐咗10次過山車，返到屋企竟然發燒，下次惟有只坐9次囉！」家樂搶着說：「我最勁試過一年內嚟咗8次，主要係做嘢，包括入嚟拍通宵戲。我好熟呢度，連工作人員休息室都知喺邊﹗」

靠緋聞留名

其實家樂與詩雅曾因同遊另一主題公園被偷拍，加上結伴現身書展，搞到緋聞傳足幾年。兩位當事人笑說：「係囉！今年唔敢再約去書展，做咗咁多年（娛圈）都係靠呢單嘢畀人記得。」湯怡聞言即向家樂說：「咁不如約我啦！」家樂說：「吓﹗唔得喎！我驚畀人尋仇，一係約埋佢（洪卓立）。」外表柔弱的湯怡原來膽識過人，在主題樂園「主攻」過山車及跳樓機，至於「大隻仔」麥子樂則覺得在主題樂園的煙花下拍拖才最浪漫，不過一直苦無機會。

服裝﹕

陳家樂（CHOCOOLATE@I.T.）

湯怡（quarter）

麥子樂（sport b）