兒童節目元祖級大師姐譚玉瑛將演出由高志森監製、王嘉翊執導的合家歡音樂劇《醜小鴨》，她透露今次會與一班小朋友合作，又會與台下觀眾互動。曾有舞台演出經驗的她表示今次較擔心記舞步：「因為現場有音樂配合，台詞之間都會有音樂相間，所以時間要掌握得好準確。」
問到與小朋友合作是否更得心應手？她說：「唔只小朋友，連佢哋嘅家長對我都好熱情，有時喺街見到佢哋，係家長叫小朋友幫手拎相機幫我哋合照，所以大人、小朋友都有市場。」
