錢嘉樂昨日五十歲生日也不忘到黃竹坑為劇集宣傳，嘉樂未料湯盈盈帶同女兒驚喜現身為他慶生，令他感動得眼濕濕，場面溫馨。 文：影視組

錢嘉樂率領一眾藝員濕身玩水，為《拆》劇造勢！

錢嘉樂為黃智雯鬆綁。

錢嘉樂和湯盈盈攬實女兒肉緊錫錫，大晒溫馨！

朱千雪（左起）、黃智雯和朱晨麗被綁，需靠其他演員「拆局」！

錢嘉樂、洪天明、黃智雯、朱晨麗、朱千雪及張美妮等，昨日到黃竹坑某酒店泳池玩水戰，為劇集《拆局專家》宣傳。適逢錢嘉樂五十歲生日，工作中度過的他突然收到驚喜，大着肚的老婆盈盈帶同女兒Alyssa神秘到場，並準備了跑車形大蛋糕，嘉樂發現愛妻及女兒即時感動得眼濕濕，嘉樂除了咀盈盈，其後又與老友洪天明錫錫，場面搞笑又溫馨！

捱義氣返工陪森美

嘉樂說：「原本生日諗住請假，但係唔想《決戰1分鐘》剩番森美一個，今晚收工再同老婆去食飯消夜。好多謝老婆喺蛋糕寫『25 x 2』，等我同校長（譚詠麟）一樣年年25歲！」對於盈盈送上巨型跑車蛋糕，嘉樂笑說：「我想要真車，講真依家買車都諗七人車，以前真係冇諗過。」

朱晨麗全裸謝觀眾

在泳池水戰玩遊戲時，張美妮被天明不停擲落水，而着得密密實實的黃智雯、朱晨麗及朱千雪也難逃落水濕身命運，天明笑言若收視有50點，朱晨麗會全裸答謝觀眾，十分搞笑。朱晨麗受訪時表示不諳游泳：「有啲驚，已經打好底，做好防走光措拖，等下次做第一女主角先着泳衣啦！」朱千雪則透露因知道要玩遊戲而不敢穿得太性感，她說：「因為實畀人推落水，平時游水都着住T-shirt，試過喺加拿大畀人問我係咪嚟滑雪。」問到收視好會否穿泳衣亮相？她笑說：「話有50點朱晨麗全裸嘛！我着泳衣都冇用啦！」