在韓劇《大長今》以連生一角爆紅的韓國女星朴恩惠，昨日與黃芷晴等在港出席韓國化妝品牌活動，她在台上以廣東話與現場觀眾打招呼，又指上一次來港已是五年前，這次來港感覺依然很好，前日到埗的她將於今天返韓。她透露此行與香港的韓國朋友吃中菜及到主題公園遊玩：「尋日我去迪士尼，好熱，去一陣就走。（畀人認出？）我戴咗帽，又同小朋友一齊，啲人冇乜留意我，但都有人同我打招呼，好有禮貌。（帶埋囝囝？）係，今次帶埋囝囝嚟玩，原本係諗住自己嚟，但尋日係囝囝三歲生日，我哋淨係同米奇老鼠影咗張相就走，老公都有一齊嚟。（囝囝鍾唔鍾意香港？）小朋友對香港冇乜概念，但係之前應承咗佢哋去睇米奇老鼠，佢哋半個月前就日日講話要嚟玩。（會唔會同囝囝參演韓國真人騷？）佢哋仲細，諗吓先。（依家拍緊韓國新劇？）拍咗一星期，應該9月開始播，韓國係邊拍邊播。」

朴恩惠向粉絲揮手兼騷Charm爆笑容，十分親民！

身穿連身短裙的黃芷晴明艷照人。