江美儀在片中飾演一名高級國際刑警，她指1996年曾與周潤發合作洗頭水廣告：「時間過得真係快，合作都係第二次，大家都Keep得好好，佢仲後生過以前！」她表示周潤發經常在片場放笑彈，而發嫂則不時自製美食宴客，張家輝更會萬歲：「好在我唔易肥咋！」

久未與周潤發見面的江美儀即上前握手問好。

扮演刑警的王君馨手持手槍，有型有款！

周潤發（左起）在現場大放笑彈，氹得曾國祥及江美儀開懷大笑。

而王君馨則表示有幸與周潤發、張家輝和劉嘉玲合作感到開心：「每日都有機會一齊食飯，真係好開心！第一日見到發哥，佢話有睇我節目，又讚我唱歌好，仲叫我做歌后，我開心到呆咗呀！第一次見佢就好似識咗好耐咁，真係好親民。」