影帝張家輝碰上神級影帝周潤發，令片場笑聲不絕，二人不時密斟，十分老友！張家輝還不時戴上由報紙摺成的帽四圍行，又笑指是由金像美指製作而成！他透露與周潤發合作已駕輕就熟，拍攝上一集時已建立了默契：「今次有啲唔同，多咗好多新元素，好多重型『架生』，多咗好多演員，真係好榮幸。（點搶鏡？）冇，賀歲片嘛！大家整體熱鬧開心啦！」提到周潤發被吊高約十二米拍攝，他大感佩服地說：「部戲製作費好高，會有好多片廠，做每件事好有機動性、變化好多，一諗到就可以去做，周潤發被炸到飛起，又即刻可以做到！」至於周潤發與發嫂贊助的「發記士多」，他說：「梗係有幫襯，大家一肚餓就聚晒喺度喇！」

張家輝（左起）戴住報紙帽周圍走，連周潤發與王晶都話讚！