鄭俊弘、許廷鏗及胡鴻鈞為今屆港姐唱主題曲《一夜成名》，MV昨日首播及宣傳，三人在一眾港姐傍實下載歌載舞，因而被取笑為「新草蜢」。他們表示平日少跳舞，故看MV時感覺怪怪，又揶揄胡鴻鈞拍攝時當正架紅色辣跑是其私伙，態度囂張！鄭俊弘指今次是大製作，經驗難得。胡鴻鈞則說：「今次難得有12個女主角，希望自己嘅MV都係可以咁。」

許廷鏗昨日與麥明詩有講有笑，似乎已放低拍攝時的「仇口」。

鄭俊弘既可一親佳麗香澤，又有機會近距離接觸辣跑，難怪他表示是個難得的經驗。

「新草蜢」鄭俊弘、許廷鏗及胡鴻鈞難得有12美相伴，難怪咁風騷啦！

雖然三人護花有功，麥明詩卻「恩將仇報」，她指拍攝時獲許廷鏗教路如何捕捉鏡頭，惟正式拍攝時卻整蠱他，將紙炮噴到其面上：「MV拍咗兩日都辛苦，依家仲捱得住冇病，相信選完就會即刻病。」而「寸嘴Ada」龐卓欣膚色突然「漂白」，她說：「獲介紹一隻韓國面膜，用咗都嚇一跳白咗好多。」對於MV花了兩日時間拍攝，出街卻只有三分鐘，令她深明台上一分鐘，台下十年功之理。問到男友可有呵番？她笑說：「佢工作都辛苦，有短訊鼓勵，MV拍得好K-Pop，都問咗監製可唔可以畀啲冇出街嘅MV片我哋珍藏，第時畀男友、老公睇。」