前亞視藝人「通識BB」齊蕙盈，早前以火辣比堅尼上陣，讓「胸」器大解放，還剖白以往咬緊牙關、捱過極低薪工作的日子，又希望可跳上大銀幕，更無懼裸背演出，享受被外界視為性感女郎！文：名人組

火辣的Brenda大曬日光浴，展示Fit爆身材。

Brenda希望在樂壇和影壇作多方面發展。

Brenda自爆以前在電視台人工極低，惟有咬緊牙關度過。服裝：Blossom

前亞視藝人「通識BB」齊蕙盈（Brenda）早前穿性感比堅尼大騷33B「Big」爆上圍和白滑長腿，惹火程度爆燈！她大方分享其Keep Fit瘦身心得：「我晚晚都好勤力做運動，舉腳、Sit Up最少做100下，仲會去健身室踩單車，主要以室內運動為主。」

做主持練膽識

Brenda透露自2011年入行以來，主力擔任電視台的節目主持，如《通識小學堂》和《聲動亞洲》等，亦曾參選內地舉辦的全球形象大使比賽：「雖然拎唔到獎，但入到決賽已經開心。（點解唔參加香港選美？）因為唔夠膽，覺得自己老喇！都26歲啦！」她繼而剖白過往的工作辛酸：「人工低到你諗唔到咁低，但我入呢間電視台做，最想係學做主持，因為喺嗰度出錯會比較少人知，所以當做實習學吓嘢，我真係學到大膽咗好多，以前唔敢講嘢，同人傾偈都會驚。」

盼多方面發展

跟亞視已完約一年多的Brenda，希望向樂壇和影壇作多方面發展，自小受夾Band的爸爸薰陶，她表示唱歌是其專長，又曾參演杜汶澤主演的電影《爛滾夫鬥爛滾妻》：「雖然客串，但珍惜每個機會。（拍戲有冇底線？）唔可以唔着衫，有得遮遮掩掩都仲可以，唔可以露前面，裸背就OK。（怕唔怕被界定性感形象？）唔怕，總之係表演就OK。」她更笑稱深信唔怕醜的個性，是凸圍而出的撒手鐧！