藝人朱晨麗昨日穿DeepＶ短裙到沙田出席商場騷，晒事業線兼騷腿的她，即場獻聲及興奮到搔首弄姿，相當養眼！朱晨麗笑言自覺不太性感：「OK啦！（要烏身倒奶整甜品？）已黐晒膠紙防走光！（曾整甜品畀心儀對象？）So far未有，希望之後有機會！」又稱將忙於宣傳無綫新劇《拆局專家》，更賣關子地表示與拍檔袁偉豪於劇中不乏親密戲份。

朱晨麗表示與無綫合作以來，機會不斷。

朱晨麗穿低胸裝出席活動，性感養眼。

提到與無綫的合約事宜，朱晨麗直言獲無綫給予不少機會：「有排都未完（約），長做呀！（傳徐子珊可能約滿離巢，令你有更多機會？）公司不嬲好畀機會，事業上長做長有！（少咗人爭資源？）睇公司安排，都希望多啲其他機會！」

有指她「突然富貴」買樓兼坐頭等艙，朱晨麗說：「過咗去，冇呢啲事，唔回應喇！（坐頭等？）自己儲錢同家人去（旅行）。」