已定居日本的陳美齡（Agnes）前晚為華仁書院周年校慶籌款音樂會擔任表演嘉賓，她自言與華仁書院甚有淵源，因兩位姐夫及姨甥都就讀該校，而她在學生時期亦常獲華仁邀請獻唱，問到當年是否大受歡迎？她笑說：「好多人都話我係風頭躉，話好多人鍾意我，但嗰時得13、14歲，去男校唱歌好緊張！」她又自爆經常有男生接放學及跟蹤她回家：「諗起都驚！不過呢啲係當年識女仔嘅方法，都40年前啦！」

陳美齡自爆當年是風頭躉，曾被男生跟蹤回家，嚇到個心離一離！

姨甥的公司舉行開幕活動，陳美齡（中）當然賞面撐場！

另外，Agnes昨日出席「健靈Genning」開幕活動，透露公司是姊姊陳曦齡的兒子謝天澤創辦，故專誠撐場，又大讚姨甥：「佢由低做起，之前喺超市搬過貨，絕對唔係靠媽咪先開到公司！」