歌手許廷鏗（Alfred）早前出席商場活動，問到小時候可有看卡通片？他說：「梗係有啦！我近排同卡通人物特別有緣，連續兩個禮拜嘅周末都同卡通公仔過。」他表示以前特別鍾意玩遊戲卡片：「我細個都幾着迷，初中嗰時仲有參加過啲遊戲卡片嘅橋牌學會，課外活動同大家一齊玩遊戲，其實都幾小學雞。」Alfred透露當年為增進策略和技巧，會花時間做資料搜集：「因為以前冇得上網，所以搵番嚟樣樣嘢都好珍惜，依家啲小朋友好有福氣，上網就搵到資訊，但反而冇咗過程中嘅喜悅。」

Alfred和可愛的比卡超合照。