Dear Jane天台騷喊驚

樂隊Dear Jane下月7日將擔任「#HennessyBandTour」音樂派對表演嘉賓，他們表示非常期待：「喺酒吧開騷如果觀眾睇得High High哋就可以飲兩杯，成個氣氛會好好，感覺親切。」問到過往有甚麼難忘的開騷場所？結他手Howie說：「有次喺上環一幢大廈嘅天台玩音樂，嗰日都幾多人，但係幢樓好舊好窄，有啲觀眾聽聽吓仲坐上石壆，但石壆後已經冇任何保護，嗰次一路彈一路為觀眾擔心。」而主音Tim透露下月的演唱會已有初步歌單：「中間有一部分要大家好多郁動同耐力，不過暫時賣個關子。」他們表示正積極「操肌」，大家可以拭目以待！