唐貝詩減澱粉質瘦身

名媛寇鴻萍的女兒唐貝詩（Lydia）從小面對鏡頭，對Keep Fit甚有心得，她表示做運動最好有朋友陪伴，會較有恒心。飲食方面，Lydia亦十分講究：「我晏晝同夜晚唔食澱粉質，但朝早會食，因為唔可以戒晒，戒晒反而新陳代謝會慢咗，始終身體需要澱粉質。」她又指減肥最好不要吃油膩或太鹹的食物：「因為鹽會儲水，身體會易水腫。」連原因都一清二楚，看來Lydia做足功課！不過她表示如不需拍攝，便會正常飲食：「如果唔係好冇樂趣！要極速減肥時，我先會再食得清啲！」