女子組合B.Gs成員鄒莉盈(Ceci)最近參加網上「變美」比賽,化粗眉鬍鬚及大紅唇妝,加上頭髮蓬鬆,完全放低美女形象,直至片末Ceci回復靚樣,片段引來大批網友狂Like,大讚她超美!

Ceci笑言化醜妝相當好玩。

Ceci笑言化醜妝感覺得意:「我外表斯斯文文,其實仲係貪玩小女孩,自細鍾意小丑,但女仔冇理由扮小丑嘛!今次終於有機會,估唔到有咁多內地Fans支持!好開心。開頭以為醜妝難搞,點知愈畫愈好玩,第一次見到自己咁樣,笑死咗!」她笑言若劇本好,不介意豁出去為電影演醜角。