基於惻隱與環保，茹素十年的陳貝兒將理念推己及人，最近開設素食概念店宣揚環保訊息，帶領茹素潮流，實踐「Green Everyday」，更感染老公逐步加入素食行列。

陳貝兒不時分享茹素的好處。Wardrobe：N12H Hair：Sonn Lam （pi4.hk）

陳貝兒指其實素食款式多變，絕不單調。

文：影視組

惻隱之心，人皆有之，陳貝兒（Janis）茹素多年，為的是不忍殺生之仁，同時希望為地球出一分力，推廣環保減少污染：「畜牧業嘅碳排放係最污染地球嘅其中之一，另外係對生命嘅保護，唔想因為食一餐飯而去殺害生命。」Janis以身作則，三年前偕志同道合者開公司致力推廣環保，最近更於灣仔設立概念店，兼營售賣各地優質素食食材。

Janis自大學時期開始茹素，她說：「茶餐廳淨係食到例如羅漢齋炒麵、齋滷味呀咁，唔係咁健康，好在近幾年開始多咗素食餐廳，變咗『No Reason To Say No』。其實食肉會令身體更攰，因為身體要用更多能量消化唔係咁易消化嘅肉食，食素就身體冇咁大負擔。」

潮流大趨勢

相識滿天下的Janis笑言未因食素嚇怕朋友餐聚，反而其精緻食物照惹來友人興趣：「食素嘅人都係充滿色彩！唔係食烚菜同蒸豆腐咁簡單，亦唔淨係阿公阿嫲初一、十五先做嘅嘢，成為咗一個潮流。」

Janis的丈夫雖然並未做到全素，但作為「星級素食者」的枕邊人，對太太仍萬二分支持，Janis說：「我用素食嚟表達對地球嘅愛，佢就用素食嚟表達對我嘅愛，所以佢都會Green Monday。（生兒育女延續生命？）隨緣，生兒育女都要有一個健康身體嘛！希望喺最健康嘅時候有一個小朋友，一個素食寶寶！」