組合As One早前到韓國集訓，更首度以外地組合身份亮相當地電視節目，有幸與韓國人氣女團少女時代同場，As One笑言緊張到手心冒汗。

重新打造的As One成員Chloe（左起）、Nata、Shin和Kayan，早前獲公司送到韓國集訓。

As One入鄉隨俗，大歎韓燒。

文：音樂組

金牌經理人黃柏高力捧的組合As One於年初將成員換血，加入兩名新成員Chloe及Kayan代替離隊的Oli及Elfa，重新打造As One，早前四人獲公司送到韓國集訓兩個月，隊長Shin說：「日日都朝早九點訓練到凌晨一點，有時太趕搞到要喺車上食飯。」

推出韓語歌

剛推出韓語歌《Candy Ball》的As One，獲當地電視台邀請上音樂節目獻唱，同場還有少女時代，Shin說：「因為節目係首次邀請外地組合，所以我哋都好緊張，今次真係好難得。」問到有否見到「少時」？四人說：「有呀！雖然喺後台各自喺休息室，不過節目Ending時我哋企喺佢哋後面。（唔趁機合照？）見到已經好開心。」

由於每日忙於學唱歌及練舞導致睡眠不足，四人每有空檔即把握休息機會，可惜卻遭成員偷拍醜態，問到此行有否艷遇？Nata說：「日日行程咁緊密，連行街時間都冇，惟有透過車窗望吓有冇心儀對象。（接受異地戀？）都可以呀！只要溝通到就得。」