每位藝人總有自己的偶像，在《東網巨星》「巨星最愛：偶像篇」中，兩大女神林嘉欣和劉心悠大談最愛的偶像，做得女神偶像當然是神枱級，到底他們又是誰呢？

林嘉欣

周潤發

劉心悠

蔚雨芯

文：專案組

每位偶像都有自己學習和敬佩的人，將前輩行過的路投射在自己身上，讓自己發光發熱。女神林嘉欣的偶像也許跟你我一樣，就是周潤發：「我最愛周潤發，相信全港冇人會話唔鍾意佢，佢太可愛，又有親和力。佢拍過好多好好嘅電影，好可以代表香港。好鍾意睇佢做戲，佢有好多可能性，而且又Nice，對所有人都好好，一個巨星對所有人都咁好，真係非常難得。」

用音樂生命演繹靈魂

另一女神劉心悠的偶像又是誰？原來是已故美國流行天王米高積遜（Michael Jackson）：「最愛係Michael Jackson，因為佢係King of Pop！佢係一個好Pure嘅人，聽佢嘅音樂、睇佢喺舞台上咁有熱力嘅表演，佢係用生命去騷畀大家睇佢嘅靈魂。一個人死後居然會受到咁多人懷念，我就係其中一個，覺得佢對我嚟講好重要。我要多謝佢嘅地方係，佢畀咗個訊息我，就係人需要Pure嘅。」

蔚雨芯聽王菲長大

至於宅男女神蔚雨芯的偶像，可能跟謝霆鋒一樣，她開估：「我最愛同我同月同日生日嘅王菲，細個好鍾意聽佢嘅歌。佢最近一隻歌我好鍾意嘅係同Eason（陳奕迅）合唱嘅《因為愛情》，好聽到我用咗嚟做接駁鈴聲。佢好有Character，唔使講太多嘢，唱多啲好歌就得！」